Presidenti Rumen Radev thërriti një mbledhje për murtajën afrikane të derrave. Ai kërkoi që shteti të tregojë nëse është i aftë për ta përballuar epideminë, sepse ajo i përket jo vetëm blegtorisë por të gjithë bullgarëve, të cilët merren me rritje kafshësh. Presidenti Radev shtoi se problemi mund të zgjidhet vetëm nëpërmjet bashkimit të përpjekjeve të institucioneve, autoriteteve vendore, biznesit dhe të gjithë shtetasve, të cilët kanë nevojë për një fushatë të gjerë informative për rrezikun e sëmundjes. Ministrja e Bujqësisë Desisllava Taneva raportoi se masat që aplikohen nga Bullgaria janë në përputhje me strategjinë e BE-së për luftimin e murtajës afrikane të miratuar gjatë vitit 2015.