Sulmi i hakerëve kundër Agjencisë Kombëtare të të Ardhurave është provë për t’u rrëzuar qeveria, tha Ministri i Financave Vlladisllav Goranov. Ai mendon se vjedhja e të dhënave është vepër e disa njerëzve, të cilët nuk mund ta rrëzojnë qeverinë në mënyrë demokratike. Goranov deklaroi se nuk do ta ndërrojë udhëheqësen e Agjencisë së të Ardhurave Galja Dimitrova, sepse gjatë disa viteve të fundit ajo e ka përmirësuar grumbullimin e të ardhurave me 50 për qind. Destabilizimi i gjendjes politike dhe i qeverisë, nxitje trazirash dhe shqetësimesh ndër popullsi. Ky ka qenë qëllimi kryesor i sulmit të hakerëve kundër Agjencisë Kombëtare të të Ardhurave, tha prokurorja në proces Evgenia Stankova Të dhënat e vjedhura personale të tatimpaguesve të veçantë bullgarë u janë dhënë nga hakerët mediave në Bullgari dhe jashtë, vuri në dukje akuzuesja.