Në fshatin e bukur të Plovdivit po zhvillohet festivali tradicional i pikturave në mur dhe i artit avangard “Staro Zhelezare Street Art Village Festival” deri në fund të muajit gusht. Fshati ka 400 banorë. Çdo verë iniciatorët e projektit – piktorët Katarzina dhe Ventsislav Piryankovi – me studentë të tyre nga qyteti polonez Poznan e ndryshojnë vendbanimin, duke pikturuar në të hapur në muret e shtëpive dhe në gardhe. Tema e festivalit gjatë vitit 2018 – Muzeu i Artit Modern MoMa nga Nju Jorku në fshatin Staro Zhelezare” shkaktoi një jehonë të madhe jo vetëm në Bullgari, por dhe në mbarë botën. Portrete të njerëzve vendas u pikturuan krahas veprave të piktorëve të njohur botërisht. Ideja për utopinë futuriste është prijëse gjatë vitit 2019, ndërsa ky edicion i festivalit përfshin aksione artistike dhe performancë teatrale.