Parlamenti në Sofje hodhi poshtë veton e Presidentit Rumen Radev mbi amendamentet në Ligjin për Hetimin Ushtarak. Gjatë muajit gusht Kreu i Shtetit ktheu ligjin për shkak të mundësisë së parashikuar që një person civil të mund ta kryesojë shërbimin “Informacion Ushtarak” si alternativë e kërkesës së deritanishme që ai të jetë ushtarak. “Partia Socialiste Bullgare për Bullgarinë” përkrahuargumentet e Presidentit duke shprehur shqetësim se ndryshimi bëhet për shkak të një personi të veçantë dhe ka të ngjarë që shërbimi “Informacion Ushtarak” të nënshtrohet politikisht. “Patriotët e Bashkuar” votuan kundër dhe e qortuan Kreun e Shtetit se është bërë “rekordist” në përdorimin e së drejtës konstitucionale për të vendosur veto. GERB theksoi se me korrigjimet në fakt nuk vendoset nëse udhëheqësi i shërbimit të jetë ushtarak apo jo, por vetëm zgjerohen kompetencat e tri organeve, të cilat e kanë propozuar.