Një kompani koreane ka shfaqur interes për pjesëmarrje në projektin për centralin atomik elektrik “Belene”. Kjo u bë e qartë gjatë takimit të Kryeministrit bullgar Bojko Borisov me Presidentin e Republikës së Koresë Moon Jae-in. Takimi u zhvillua pas kthimit të Presidentit nga Nju Jorku dhe pjesëmarrjes së tij në sesionin e Asamblesë së Përgjithshme të OKB-së.

Bullgaria është kthyer në lider rajonal në Ballkan, tha Moon Jae-in dhe nënvizoi se ka mundësi të mëdha për bashkëpunim ekonomik ndërmjet të dyja vendeve në sferat e teknologjisë së informacionit, energjisë së ripërtëritshme dhe mbrojtjes. Presidenti i Koresë së Jugut u angazhua ta reklamojë Bullgarinë dhe shtoi se shteti ynë është një destinacion tërheqës për investime për shkak të tatimeve të ulëta, kushteve të mira për biznes dhe mundësive për akses tek tregu i gjerë të Bashkimit Evropian.