Turistët e prekur nga falimentimi i “Astral Holidays” – dega bullgare e operatorit të falimentuar britanik “Thomas Cook”, do të mund të realizojnë udhëtimet e tyre të planifikuara, ose do të marrin prapë shumat e paguara për to. Këtë e bëri të ditur Liljana Arsova nga Ministria e Turizmit. Për këtë qëllim të interesuarit duhet t’i drejtohen kompanisë së sigurimeve “Unika”. Arsova i qetësoi klientët se kompania i ka zbatuar të gjitha kërkesat për shpalljen e falimentimit, gjë që është në dobi të turistëve. Mirëpo, ekspertët mendojnë se do të ketë dhjetëra hotele të prekura nga falimentimi i shoqërisë.