Sot Këshilli për Mediat Elektronike shpalli procedurën për zgjedhjen e drejtorit të ri të përgjithshëm të Radios Kombëtare Bullgare. Kjo u bë pasi më 17 tetor Këshilli për Mediat Elektronike ndërpriti para kohe mandatin e drejtorit të deritanishëm Svetosllav Kostov dhe zgjodhi në vendin e tij ish-udhëheqësin e drejtorisë “Arkivat” pranë BNR-së Anton Mitov. Mitov e zbaton detyrën e drejtorit përkohësisht deri në zgjidhjen e titullarit të ri në këtë post. Motivi kryesor për ndërprerjen e mandatit të Svetosllav Kostovit ishte heshtja pa precedent në eterin e programit më të madh të medias – “Horizont” për pesë orë në datën 13 shtator 2019. Svetosllav Kostovi deklaroi se do ta apelojë vendimin e organit rregullator në Gjykatë.