7,7 euro më shumë është minimumi jetik për vitin 2020 në krahasim me atë të deritanishëm. Vija e re e varfërisë bëhet 186 euro, vendosi Këshilli i Ministrave. Kështu nën vijën e varfërisë në Bullgari mbeten 1 milion e 663 mijë bullgarë, apo 23,6% prej popullsisë së vendit.

Që nga viti i ardhshëm paga minimale në Bullgari do të jetë 312 euro, gjatë korrikut pensionet do të rriten për 6,7% dhe në këtë mënyrë pensioni minimal do të bëhet 120 euro, kurse ata që nuk kanë stazh të mjaftueshëm dhe marrin pensione vetëm në bazë të moshës së arritur të pensionimit do të marrin 72 euro.