Njerëzit e moshuar bëhen një aktiv gjithnjë e më i vlefshëm në tregun e punës, deklaroi sot në Parlament Ministri i Punës dhe Politikës Sociale Biser Petkov. Sipas të dhënave të Institutit Kombëtar të Sigurimeve në fund të 2018-ës mbi 197 mijë pensionistë që marrin pension personal në bazë të stazhit të sigurimit dhe moshës po vazhdojnë të punojnë dhe t’i paguajnë sigurimet e tyre, vuri në dukje Ministri. Rritja e punësimit ndër të moshuarit është një tendencë e qëndrueshme që nga viti 2012. Sipas të dhënave të Institutit Kombëtar të Statistikave punësimi i njerëzve të moshës nga 55 deri në 64 vjeç është rritur me 15 % - nga 45,7% gjatë 2012-ës deri në 60,7% - gjatë 2018-ës.