Vrapuesja 35-vjeçare Ivet Llallova-Kollio u zgjodh atletja më e mirë e Bullgarisë për vitin 2019 në anketën tradicionale të revistës “Atletika”.  Kjo është njohja e pestë për të, pasi u caktua atletja numër një e Bullgarisë për vitet 2004, 2005, 2008 dhe 2012. Njohjen e sivjetshme vrapuesja e meritoi pas stinës së suksesshme verore gjatë së cilës mbuloi normativat në 100 metra (11.8) dhe në 200 metra (22.45) për lojërat olimpike në Tokio vitin e ardhshëm. Në këtë forum më të madh botëror sportiv Ivet Llallova do të marrë pjesë herën e pestë. Krahas kësaj ajo regjistroi nga dy fitore për Bullgarinë, në 100 dhe në 200 metra, në Kampionatin Evropian të skuadrave në Varazhdin të Kroacisë dhe në Kampionatin Ballkanik në Pravec të Bullgarisë.  Ajo kishte vende prijëse në turnetë e Ligës Diamante dhe disa futore për klubin turk “Enka”.