Pas një seance të tensionuar që vazhdoi afro pesë orë, plenumi i Këshillit të Lartë Gjyqësor rikonfirmoi zgjedhjen e Ivan Geshevit kryeprokuror i Bullgarisë me 20 vota “pro” dhe 4 “kundër”. Votimi i tanishëm u imponua për shkak të refuzimit të presidentit Rumen Radev të nënshkruajë dekretin për emërimin e Geshevit pas zgjedhjes së tij nga këshilli. Seanca u zhvillua me masa të forcuara të sigurisë dhe në sfondin e protestave “kundër” dhe “pro”. Pas rikonfirmimit të kandidaturës Ivan Geshevi falënderoi Këshillin e Lartë Gjyqësor dhe bashkinë profesionale për përkrahje, megjithë presionin pa precedent politik që ajo të hiqet. Këshilli i Lartë Gjyqësor vendosi që propozimi për zgjedhjen e Ivan Geshevit pa vonës t’i dërgohet presidentit të republikës, i cili tashmë nuk e ka të drejtën të refuzojë botimin e dekretit për emërimin.