Shteti është gati të veprojë në përputhje me të gjitha standardet evropiane në rast të situatës eventuale të jashtëzakonshme në centralin atomik energjik “Kozlloduj”. Ky është vlerësimi i shprehur pas stërvitjes së zhvilluar kombëtare “Mbrojtja 2019”.

Në vazhdim të dy ditëve institucione të ndryshme morën pjesë në simulimin e avarisë teknologjike në centralin bërthamor “Kozlloduj”.

Qëllimi i stërvitjes së sivjetshme ishte verifikimi i funksionimit të Sistemit Unik të Shpëtimit, i cili bashkon veprimtaritë e lidhura me mbrojtjen e popullsisë në rast të rrezikut apo fatkeqësisë eventuale. “Shteti është gati të veprojë në situatë të tillë dhe koordinimi është në nivelin e duhur” – tha sekretari i përgjithshëm i Ministrisë së Punëve të Brendshme Ivajllo Ivanov.