Për herë të parë të ardhurat mesatare mujore në Bullgari në bazë të të cilave llogariten kontributet e sigurimeve janë mbi 500 euro. Të dhënat janë për muajin tetor 2019. Këtë e shkroi në Facebook Kryeministri Bojko Borisov. Kjo është një rritje prej 50 euro për një vit. Puna e bullgarëve paguhet gjithnjë e më mirë. Rritja e të ardhurave do të vazhdojë dhe gjatë viteve të ardhshme, kur do të punojmë fortë me qëllim që ajo të bëhet më e madhe dhe në këtë mënyrë të ndihet nga të gjithë bullgarët, premton Kryeministri Borisov.

Para kësaj Instituti Kombëtar i Statistikave informoi se të ardhurat mesatare mujore për llogaritjen e kontributeve të sigurimeve në vend për tetorin 2019 janë 512,7 euro. Të ardhurat mesatare mujore në vend përdoren dhe për llogaritjen e pensioneve të reja dhe të dëmshpërblimeve të ndryshme të parashikuara në Kodin e Sigurimit Social.