Bullgaria përkrah përpjekjet e lidhura me përmirësimin e bashkëpunimit mes Bashkimit Evropian dhe Organizatës së Bashkëpunimit Ekonomik të Detit të Zi (BEDZ), tha Ministrja e punëve të jashtme Ekaterina Zaharieva para homologëve të saj nga organizata. Fakti se tri vendet-anëtare të BE-së – Bullgaria, Greqia dhe Rumania, kryesojnë radhazi BEDZ-in është një sinjal pozitiv për bashkëpunimin me BE-në.

“Përshëndes përpjekjet e sekretariatit ndërkombëtar të Organizatës për Bashkëpunim Ekonomik të Detit të Zi, i cili tërhoqi financim prej 2 mln. euro nga Bashkimi Evropian për një projekt trevjeçar për studimin e ujërave të Detit të Zi”, tha gjithashtu Zaharieva.

Në fjalimet e tyre përfaqësuesit e shumë shteteve e falënderuan kryesinë bullgare të BEDZ-it, për kontributin në politikat për krijimin e vendeve të reja pune, për përmirësimin e transportit, konektivitetit dhe tregtisë dhe për shmangien e tatimit të dyfishtë.