Ambasadorja e ShBA-së në Bullgari Hero Mustafa vizitoi Pikën e Kontrollit Kufitar “Kapitan Andreevo”, për të demonstruar angazhimin amerikan për partneritet dhe bashkëpunim me Bullgarinë për forcimin e sigurisë kufitare.

Kjo është pika më e ngarkuar kufitare në Evropë dhe Shtetet e Bashkuara të Amerikës përkrahin përpjekjet e autoriteteve bullgare për garantimin e sigurisë së kufirit bullgar, i cili është dhe kufiri i jashtëm i Bashkimit Evropian.

Hero Mustafa u njoh me punën e qendrës trepalëshe të kontaktit për bashkëpunim ndërmjet Bullgarisë, Greqisë dhe Turqisë. Ajo, bashkë me përfaqësues të Ministrisë së Punëve të Brendshme diskutuan bashkëpunimin aktual dhe partneritetin mes autoriteteve bullgare dhe atyre amerikane.