Bullgaria bëri thirrje për qetësim të tensionit në Lindjen e Mesme, për ruajtjen e koalicionit kundër ISIS-it dhe për një mision stërvitës të NATO-s në Irak. Këtë e tha në Bruksel Ministrja e Jashtme Ekaterina Zaharieva para mbledhjes së jashtëzakonshme të Këshillit të BE-së. Do të jetë shumë keq në qoftë se këto forca tërhiqen, sepse kjo do të çojë shumë shpejt në kaos dhe në rimëkëmbjen e ISIS-it, duke i bërë përpjekjet dhe viktimat e komunitetit ndërkombëtar pa kuptim. Zaharieva përkrahu politikën e Gjermanisë për stabilizimin e Libisë, sepse shumica e xhihadistëve të ISIS-it i drejtohen Libisë dhe nga atje nisen refugjatë për në Evropë. Sipas diplomates së parë bullgare ka të ngjarë që BE-ja të bëhet ndërmjetës për zgjidhjen e debateve mes Teheranit dhe Uashingtonit.