“Partia Socialiste Bullgare për Bullgarinë” parashtroi në Parlament mocion mosbesimi ndaj qeverisë për shkak të rrëzimit të politikës në fushën e mjedisit dhe ujërave. Dokumenti u nënshkrua nga 78 deputetë nga e majta. Sipas lideres së Partisë Socialiste Bullgare (BSP) Kornelija Ninova 500 000 bullgarë janë me regjim uji dhe ka rrezik të madh që ky numër të rritet. Ajri ynë është nga më të ndoturit në Evropë, ndërsa Bullgaria u shndërrua në depo për mbeturinat jo vetëm të Evropës, por dhe të botës së tretë. Çdo ditë ka fakte të reja për mbeturina të tilla, të importuara në Bullgari, ku të digjen, tha gjithashtu Kornelija Ninova. Sipas BSP-së në qoftë se të gjithë deputetët e opozitës dhe të pavarurit i përkrahin motivet e tyre mocioni i mosbesimit do të jetë i suksesshëm me 124 vota.