Zhvillimi i qëndrueshëm i marrëdhënieve dypalëshe me Turqinë është pjesë e rëndësishme e politikës së jashtme të Bullgarisë, tha kryeministri Bojko Borisov në takimin e tij në Sofje me ministrin e punëve të jashtme të Turqisë Mevlyt Çavushogllu. Kryeministri bullgar theksoi dialogun intensiv dypalësh politik, i cili iu bazohet parimeve të fqinjësisë së mirë dhe respektimit reciprok. Zoti Borisov vuri në dukje, se Bullgaria vlerëson lartë angazhimin e fqinjës sonë në aplikimin e Deklaratës së Përbashkët midis BE-së dhe Turqisë për migracionin nga viti 2016 dhe bashkëpunimin e shkëlqyeshëm dypalësh në këtë fushë, gjë që siguron fluksin zero migrantësh në kufirin e përbashkët. Kryeministri theksoi edhe peshën e madhe, të cilën e mban Turqia duke u siguruar strehë një numër të madh refugjatësh.