Bullgaria është gati të shtojë pjesëmarrjen në misionin stërvitës të NATO-s në Irak, tha ministri i mbrojtjes Krasimir Karakaçanov, i cili ndodhet në Bruksel për takimin e ministrave ushtarak të paktit. Deri tashti Sofja kishte dy oficerë të cilët u evakuuan, por ata do të kthehen në Irak. Ministri shtoi, se qeveria vendosi të rritë numrin e oficerëve bullgarë dhe ata të bëhen katër. Bagdadi shprehu dëshirë që misioni stërvitës të rifillohet. Ky mision u ngri pas ashpërsimit të tensionit midis ShBA-së dhe Iranit. Zëvendës ministri i mbrojtjes Atanas Zaprjanov njoftoi, se talibanët dhe ShBA-ja arritën marrëveshje që misioni i NATO-së të mbetet në Afganistan përderisa shteti do të stabilizohet dhe do të bëhet çarje në rregullimin paqësor të konfliktit.