Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mobilizim i plotë në Bullgari për parandalimin e përhapjes së koronavirusit

Foto: BGNES

Sot në orën 09.00 në mëngjes në Aeroportin e Sofjes filloi një trajnim për reaksione në raste dyshimi për persona të infektuar me koronavirusin COVID – 19. Në orën e njëjtë Kryeministri Borisov kishte thirrur një mbledhje të jashtëzakonshme të Këshillit të Sigurisë të qeverisë, por ajo u zhvillua dje pasdreke dhe tashmë ka masa të shënuara për parandalimin e epidemisë eventuale të koronavirusit.

Duke pasur parasysh koordinimin e veprimeve në këtë drejtim u krijua një shtab kombëtar me në krye shefin e Akademisë Ushtarake Mjekësore, në të cilin bëjnë pjesë nëpunës të lartë të Ministrive të Punëve të Brendshme, të Shëndetësisë dhe të Punëve të Jashtme. Bullgarëve, të cilët mbërrijnë në vend nga shtete të ndryshme, u ishte bërë apel për t’u mbetur në karantinë në vazhdim të 14 ditëve. Që nga sot edhe pasagjerët që mbërrijnë nga Italia në Aeroportin e Sofjes do të plotësojnë një kartë-anketë para një inspektori të shëndetësisë. Në pikëkalimet e kufijve tokësorë dhe detarë dërgohen ekipe me termometra mobilë, si ato në kufijtë ajrorë.

Qytetarëve do t’u bëhen analiza vetëm po të ketë simptoma të qarta të sëmundjes. Deri tani në vend janë bërë 30 analiza të tilla dhe të gjitha ato janë me rezultate negative për ekzistencën e koronavirusit.

Simptomat e sëmundjes përfshijnë temperaturë të lartë dhe pneumoni në fazë fillestare – këto janë kushte të rëndësishme që t’u bëhen analiza pasagjerëve, sepse vetëm atëherë ka të ngjarë që rezultatet të jenë pozitive. Në rast të kundërt rezultatet gjithmonë do të jenë negative, shpjegoi drejtori i Qendrës Kombëtare për Sëmundje Ngjitëse dhe Parazitare prof. Todor Kantraxhiev.

Ai nënvizoi se provat e gjakut merren vetëm në spital sipas instruksioneve të mjekut dhe dërgohen për analizë në Laboratorin Kombëtar Referent. Qytetarët dhe spitalet nuk paguajnë asgjë për këtë, sepse mjetet sigurohen nga Ministria e Shëndetësisë.

Ministria e Arsimit u rekomandon shkollave për të kufizuar udhëtimet lidhur me pjesëmarrje në programe dhe projekte të ndryshme ndërkombëtare. Ministria e Sportit gjithashtu duhet të vendosë nëse t’i shtyjë kampionatet po të regjistrohen raste të sëmundjes. Të gjithë të angazhuarit me masat preventive duhet të veprojnë pa u krijuar panik, duke informuar njerëzit se si të ruhen nga virusi.

Për reaksionin urgjent të autoriteteve ka arsye serioze dhe masat preventive janë marrë në një moment të shqetësimeve serioze për përhapjen e virusit të ri “korona” në Evropë. Shumica e të sëmurëve janë në Kinën e largët, por ka edhe në vende më të afërta, si Koreja e Jugut, Italia dhe Irani.

Në rajonet e Italisë që janë prekur nga koronavirusi banojnë rreth 15 000 bullgarë. Që dje Ministria e Punëve të Jashtme u rekomandoi bashkatdhetarëve tanë për të udhëtuar vetëm në rast urgjent në rajonet e Italisë së Veriut. Sa i përket Kinës indeksi i riskut i udhëtimeve ishte rritur në nivelin e tij më të lartë 5, gjë që do të thotë paralajmërim për pezullimin e të gjitha udhëtimeve dhe për largim të menjëhershëm nga vendi.

Përpiloi: Stoimen Pavllov

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Kirill Vëllçev

BTA prezanton një font unik me rastin e përvjetorit të saj

Më 16 shkurt 2025 bëhen 127 vjet nga botimi i buletinit të parë të Agjencisë Telegrafike Bullgare (BTA), të nënshkruar nga drejtori i parë i saj Oskar Iskander. Agjencia u krijua në vitin 1898 me një dekret të Princit Ferdinand I, i modeluar sipas Agjencisë..

botuar më 25-02-16 7.55.PD

Gëzuar 89 vjet, Radio Bullgaria!

Më 16 shkurt Radio Bullgaria feston 89 vjetorin e saj. Gjatë gjithë këtyre viteve, media jonë shumëgjuhëshe ka qenë jo vetëm një kanal informacioni, por ka krijuar një lidhje të paçmuar me audiencën tonë në mbarë botën. Sot Radio Bullgaria ofron përmbajtje..

botuar më 25-02-16 6.45.PD
Foto: Shoqata Bullgare për Mbrojtjen e Zogjve

Një lajm i mirë – pelikani i parë i sezonit u çel pranë Tutrakanit

Pak ditë më parë, zogu i parë i pelikanit dalmat (Pelecanus crispus) i këtij sezoni u çel në zonën e mbrojtur Kalimok - Brëshlen pranë qytetit të Danubit, Tutrakan , njoftoi Shoqata Bullgare për Mbrojtjen e Zogjve "BirdLife Bulgaria". Prindërit e tij..

botuar më 25-02-15 7.25.PD