Në një mbledhje të përbashkët të jashtëzakonshme të qeverisë me shtabin kombëtar për koordinim të masave kundër përhapjes së koronavirusit COVID-19, kryeministri Bojko Borisov u bëri thirrje njerëzve t’u mos besojnë thashethemeve që gjendja e vërtetë fshihet dhe t’u mos nënshtrohen panikut. Kryeministri i rekomandoi shefit të shtabit kombëtar gjeneralit Mutafçijski të vazhdojë të informojë mediat me hollësi për situatën. Nga ana e vet gjenerali tha kategorikisht se deri më sot nuk ka raste të vërtetuara të shtetasve bullgarë ose të huajë, që ndodhen në territorin e Bullgarisë, me koronavirus. Lidhur me rastin e parë të koronavirusit në Greqi, Ministria e Punëve të Jashtme u rekomandon shtetasve bullgarë në shtetin fqinjë të respektojnë udhëzimet e autoriteteve vendore dhe të ndjekin informacionin për situatën shëndetësore aty.