Megjithë masat urgjente të qeverisë për përkrahje financiare të një sërë sektorësh pasojat ekonomike dhe sociale të krizës së koronavirusit tashmë janë të dukshme edhe para zyrave të punësimit. Këtë e ripohojnë edhe vargjet e gjata të njerëzve para tyre. Zyra e punësimit “Iztok” në Sofje, e cila përgjigjet për 250 000 të punësuar, konstatoi 50 për qind rritje të deklaratave të parashtruara nga njerëz që kanë mbetur pa punë gjatë disa ditëve të fundit. Sipas të dhënave të Agjencisë së Punësimit gjatë javës janë regjistruar 12 660 veta, 10 000 prej të cilave e kanë shënuar pikërisht COVID-19 si shkak që të mbeten pa punë. Sipas të dhënave të Eurostatit për muajin shkurt niveli i papunësisë në Bullgari ka qenë për të dytin muaj me radhë 4.1 për qind. Atëherë vendi ynë ka qenë në vend të nëntë ndër shtetet-anëtare të BE-së me papunësi më të ulët.