Fondacioni “Amerika për Bullgarinë”, Forumi Bamirës Bullgar, Ambasada e SHBA-së në Sofje dhe Dhoma Tregtare Amerikane themeluan një fond të pavarur “Së bashku kundër COVID-19”. Në këtë fond janë mbledhur donacione të kompanive bullgare dhe të huaja, dhe ato të ofruara nga persona privatë me vlerë të përbashkët 394 mijë euro.

Fondet u janë ofruar spitaleve të ndryshme bullgare, shpjegoi Nancy Schiller, presidentja e fondacionit “Amerika për Bullgarinë”. Ajo është shumë e impresionuar nga puna e sektorit joqeveritar në kushtet e gjendjes së jashtëzakonshme. “Kjo më jep shpresë dhe më bën që të mendoj se e mira është më ngjitëse sesa është koronavirusi”, tha Schiller.

Fondi me anë të llogarisë së vet për donacione #StandingTogether vazhdon të mbledhë mjete për sektorin joqeveritar dhe për biznesin e vogël.