Kryeministri Bojko Borisov ka diskutuar në telefon me homologun e tij italian Giuseppe Conte pandeminë Covid-19. Kryeministri bullgar ka shprehur përkrahje dhe solidaritet me Italinë, e cila është vendi më i prekur në Evropë. Dy kryeministrat kanë komentuar masat efektive të cilat po aplikohen në vendet e tyre për kufizimin e përhapjes së virusit.

Borisovi ka informuar Conte me riorganizimin e shpejtë të veprimtarisë së një pjese prej industrisë bullgare, e cila po merret me prodhimin e veshjeve mbrojtëse me cilësi të lartë, maskave dhe mbrojtëseve të fytyrës. Sot 100 komplete prej këtyre veshjeve mbrojtëse do të dërgohen në Maqedoninë e Veriut, ka thënë Borisovi.