Bashkimi Bullgar i Farmacistëve kërkoi nga Parlamenti Evropian të deklarojë se specialistët e mjekësisë në BE kanë të drejtën të informojnë për rreziqet potenciale në sistemet e shëndetësisë. Arsyeja për këtë është akuza e ngritur nga Prokuroria bullgare kundër kryetares së organizatës profesionale prof. Asena Stoimenova për shkak të mendimit të saj të eksperte të shprehur para mikrofonit të BNR-së.

Në letrën e dërguar PE-së është shkruar se pozita e profesoreshës Stoimenova është në përputhje me opinionet e Komisionit Evropian, Agjencisë Evropiane për Medikamentet dhe organizatave të tjera ndërkombëtare. Stoimenova është akuzuar për këtë se duke paralajmëruar për krizë eventuale me mungesën e furnizimeve për disa medikamente ajo ka provokuar shqetësime të paarsyetuara në shoqëri.