Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria ka potencial për të qenë lider regjional në startupe

Asociacioni Bullgar i Startupeve është duke seleksionuar me konkurs debutuesit më të mirë në biznesin i cili bazohet tek teknologjitë digjitale dhe ato të software-it.

Foto: centraleuropeanstartupawards.com

Pandemia e Covid-19 shtyu me disa muaj garën për kompani më të suksesshme debutuese nga regjioni i Evropës Qendrore dhe Lindore – CESA /central european startup awards/. Asociacioni Bullgar i Startupeve, ku bëjnë pjesë mbi 500 kompani, është mikpritës i garës së sivjetshme. CESA zhvillohet në 7 regjione të botës, ndërsa Asociacioni Bullgar i Startupeve organizon garën për Bullgarinë. Ai bëri të ditur se nominimet duhet të parashtrohen deri në fund të muajit gusht në 10 kategori të veçanta. Çdonjëri mund të njihet me kushtet e pjesëmarrjes në sajtin e Asociacionit.

Çmimet për kompanitë debutuese do të dorëzohen për të pestin vit me radhë. Cilët janë fituesit – këtë ndoshta do ta kuptojmë në një ceremoni publike në mes të nëntorit. Çdonjëri mund të nominojë kompanitë e preferuara, kurse deri në nëntor ato do të seleksionohen nga një juri kompetente, tha në një intervistë për BNR-në Dobromir Ivanov – kryetar i Asociacionit Bullgar të Startupeve.  

Dobromir Ivanov / Foto: Zdravko Petrov

“Kishim tri kompani, të cilat shkuan në finale vitin e kaluar në Kinë. Kompanitë zhvillohen dhe konkurrenca është shumë serioze. Një prej kompanive të dalluara bën robotë, të cilët i ndihmojnë invalidët. Puna e tyre është e një niveli shumë të lartë dhe ka potencial serioz. Sivjet ata u gjendën në një situatë të vështirë, nuk kishin mundësi për ta vazhduar biznesin e tyre në Bullgari dhe kishin nevojë për përkrahje. Kjo është pjesë e punës sonë – ta ndryshojmë mjedisin këtu, që të tërheqim si investitorë si kompanitë e huaja, ashtu dhe ato bullgare. Mbi ¼ prej anëtarëve tanë janë regjistruar jashtë shtetit. Kjo është një tendencë negative kundër së cilës luftojmë.”

Sipas Dobromir Ivanovit kompanitë bullgare startup kanë treguar një solidaritet të madh gjatë krizës, si dhe kompanitë e software-it dhe kompanitë e teknologjive. Ato bënë prova të konsiderueshme për ta ndihmuar shtetin dhe popullsinë, të sëmurët, bizneset e tjera... Kriza na tregoi kategorikisht se duhet të punohet ngushtë me kompanitë e teknologjive të larta, sepse ato mund të jenë shumë të dobishme në zgjidhjen e problemeve në kriza të tilla, mendon Dobromor Ivanovi.

“Aktualisht prodhimet tradicionale kuptojnë domosdoshmërinë për t’u digjitalizuar. Për fat të keq asnjë prej masave të miratuara nga shteti nuk u ishte drejtuar këtyre kompanive. Jemi duke kërkuar dialog, por tani për tani nuk ka. Shumë prej kompanive nuk mund të tregojnë ulje të të ardhurave, që të aplikojnë për ndihmë shtetërore, sepse vitin e kaluar ato nuk kanë pasur aspak të ardhura. Nëse ke rritje 5,6 herë gjatë vitit të fundit, kjo të garanton 20, 30 deri në 50% kërcim përpara. Por kjo nuk u përket kompanive startup. Kemi potencialin të bëhemi lider regjional, por për këtë qëllim duhet realizuar disa ndryshime, për shembull kompanitë të kenë akses tek më shumë kapitale. Sidoqoftë, ne ecim me bindje në këtë drejtim.

Përpiloi: Gergana Mançeva, sipas intervistës së N. Canevës nga programi “Hristo Botev” i BNR-së

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Me një shkëmbim prej 12 miliardë eurosh Gjermania është partneri kryesor tregtar i Bullgarisë

Gjermania mbetet partneri më i fortë ekonomik i Bullgarisë. Tregtia mes tyre për vitin 2024 arrin në 12 miliardë euro, tha Tim Kurt, president i Dhomës Gjermano-Bullgare të Industrisë dhe Tregtisë. Në pritjen e Vitit të Ri të Dhomës në Sofje, çmimet e..

botuar më 25-01-31 9.41.PD

Vetëm 8% e bullgarëve investojnë, 24% kursejnë

Vetëm 8% e bullgarëve investojnë, krahasuar me një mesatare prej 24% për Bashkimin Evropian, dhe vetëm 24% kursejnë para, sipas një sondazhi të agjencisë sociologjike "Trend", të kryer me porosi të Finance Academy midis 1005 qytetarëve të rritur në..

botuar më 25-01-29 3.40.MD

BNB pret që Bullgaria të përmbushë kriterin e stabilitetit të çmimeve për eurozonën

Bullgaria mund të përmbushë kriterin e konvergjencës për stabilitetin e çmimeve, i kërkuar për anëtarësimin në eurozonë, që në janar 2025 dhe të vazhdojë ta zbatojë atë për pjesën tjetër të vitit. Këtë e parashikon Banka Kombëtare Bullgare (BNB) në..

botuar më 25-01-29 1.51.MD