Numri i madh i të konfirmuarve me koronavirus është një gjë që pritej, duke pasur parasysh të gjithë njerëzit, të cilët nuk respektojnë masat. Numri i të infektuarve sot është më i madh se ai i djeshëm, por me rëndësi është përqindja e atyre, të cilët kanë nevojë për mjekim në spital dhe në reparte intensive.

Aktualisht situata duket se është nën kontroll, tha para televizionit “Nova TV” drejtori i spitalit “Aleksandrovska” në Sofje dr. Kostadin Angellov. Ai është kategorik se në bazë të të dhënave të fundit për të infektuarit e rinj nuk mund të bëhen parashikime.

Matematikani nga Akademia Bullgare e Shkencave prof. Nikollaj Vitanov, i cili punon për Shtabin Operativ Kombëtar tha se para një muaji tendencat në këtë krizë kanë qenë shumë pozitive, por mosrespektimi i masave parandaluese ka ndryshuar tendencat dhe tani 1 i sëmurë infekton 1,33 pacientë të rinj.