Aleksandrina, familja e së cilës është nga qyteti Pazarxhik, por jeton  në Holandë prej 20 vjetëve, u shpall nxënëse e vitit 2020. Një fotografi e saj, bashkë me mësuesen e saj kujdestare, është e vendosur nëpër tabela të shumta nëpër qytet, si dhe në sajtin e shkollës së saj. Njohja vjen për shkak të mesatares së saj të lartë.

Aleksandrina është me një prejardhje rome. Vajza tregon se ia dedikon të gjitha arritjet dhe sukseset e saj familjes. Prindërit e saj gjithmonë e kanë inkurajuar që të mësojë dhe të zhvillohet nga ana intelektuale - pohon nxënësja e shkëlqyer. Këmbëngulja e saj e madhe nuk mbetet pa u vënë re në shtetin e huaj dhe ajo fiton një vëmendje të posaçme.

“Dhe unë isha një nxënës shumë i mirë, por nuk pata mundësinë të vazhdoj të mësoj në Bullgari” - thotë në një intervistë të dhënë për televizionin Nova Janko Jankov - babai i Aleksandrinës. Prindërit e tij kanë qenë bojaxhinj dhe ai e ka trashëguar zanatin e tyre. Me këtë merret në këtë moment dhe në Holandë.