“Në se nuk e rikthejmë rekrutin vitet e ardhshme situata do të na detyrojë ta bëjmë këtë” tha për BNR Boris Vangellov, zëvendës kryetar i komisionit parlamentar të mbrojtjes. Sipas tij me heqjen e mbledhjes së rekrutëve pas ndryshimeve demokratike u ndërpre burimi i kuadrove për ushtrinë dhe për rezervën. Ideja e VMRO-s për kazermë vullnetare kaloi në lexim të parë me korrigjime të miratuara në Ligjin për rezervën e forcave të armatosura. “Do të vijë një moment kur për shkaqe biologjike forcat e armatosura nuk do të disponojnë as staf, as rezervë. Që të plotësohen formacionet e përkohshme ushtarake u imponuan keto ndryshime”, tha Vangellovi. Sipas tij projektligji mund të mos votohet në lexim të dytë, sepse parlamenti është në fund të mandatit të tij.