Intelligent Music Project është i krijuar para rreth 10 vjetëve. Producent dhe autor i këngëve në të gjithë 5 albumet e grupit është doktori Milen Vrabevski - sipërmarrës dhe filantrop, i njohur në Bullgari me kauzat e tij të atdhedashurisë.
Gjatë viteve në projekt kanë marrë pjesë muzikantë të njohur botërisht si Simon Philips, Joseph Wiliams, të njohur nga grupi Toto, John Payne (ex-Asia), Carl Sentance ( nga grupi Nazareth) John Lawton (ex-Uriah Heep) e të tjera.
Përpara disa ditëve Intelligent Music Project u ngjit deri në vendin e parë në rok klasifikimin grek Rock Radio 104.7, duke kaluar në rrugën e tij emra të afirmuar botëror si Deep Purple, Scorpions, Whitesnake dhe Rolling Stones - këtë e mësuam nga një bashkëpunëtor i doktorit Vrabevski. Kënga me të cilin u arrit ky sukses, quhet „Every time“. Ajo është një pjesë nga albumi i fundit i bandës „Life Motion“, ku këngëtari kryesor është frontmeni i grupit legjendar Rainbow Ronnie Romero.
Pyetjes se përse sipas tij kënga ka një sukses kaq të madh, Ronnie përgjigjet:
“Për mua përgjigja është tepër e thjeshtë-sepse “Every time” është një këngë shumë e bukur! Ka një melodi e cila tingëllon në mënyrë pak komerciale, është e strukturuar shumë mirë dhe është shumë e këndshme për t’u dëgjuar. Nga ana tjetër, dikush më tha kohët e fundit se, kam fansa të shumtë në Greqi - nuk dija fare për këtë. Kështu që, kur të mbledhim 1+1, në fund na del një këngë e suksesshme në klasifikimet!”
Mes pjesëmarrësve të tjerë në albumin e 5 të Intelligent Music Project „Life Motion“ janë përsëri Simon Philips, John Payne si dhe Richard Grisman nga grupi River Hounds. Pjesëmarrësit bullgar në projekt janë mes muzikantëve tanë më të mirë – Stojan Jankullov-Stunxhi, Sllavin Sllavçev, Biser Ivanov, Bobi Kosatkata, Ivajllo Zvezdomirov, Ivo Stefanov, Lina Nikoll dhe Samuell Eftimov.
Mësuam po kështu se gjatë muajve të ardhshëm, në qoftë se rrethanat e jashtëzakonshme lejojnë, Intelligent Music Project do të zhvillojë koncerte në Greqi.
Përgatiti në shqip: Nataniela Vasileva
Foto: arkiv
Dy artistë të njohur nga brezi më i ri në muzikën bashkëkohore bullgare - Mihaella Marinova dhe Kristian Kostov - prezantojnë këngën e tyre të parë të përbashkët "Ti je zemra ime". Rrugët e tyre u kryqëzuan saktësisht dhjetë vjet më parë në një..
E rritur në një familje këngëtarësh opere, e reja Cveta Boteva iu drejtua muzikës që në moshë të re. Këndoi në një kor kishtar dhe në disa grupe. Filloi të krijojë këngë të veta si terapi pas periudhës së vështirë të pandemisë...
Bojana Zheljazkova e paraqet muzikën e saj me po aq mjeshtëri, duke e interpretuar atë në violinë, kitarë dhe duke kënduar. Ajo filloi të studionte violinë që kur ishte fëmijë, luante fillimisht në një Orkestër Dhome me të rinj, pastaj në një grup roku,..
Pas vitesh të tëra në skenë në Bullgari dhe në mbarë botën, Zornica Petrova prezanton këngën e saj të parë origjinale - "Fluturo". Sipas Zornicës, kënga..
Nga krijimet e të gjithë kompozitorëve bullgarë, muzika e Panço Vlladigerovit është pa dyshim më e interpretuara si në skenën bullgare, ashtu edhe në atë..
Diell, re, shi, bubullime
Mot i kthjellët
Pjesërisht me re