Sekretari i përgjithshëm i OKB-së António Guterres përshëndeti Bullgarinë me rastin e përvjetorit të 65 të anëtarësimit të saj në organizatë, njoftoi MPJ-ja bullgare.

Vendi ynë u anëtarësua në OKB më 14 dhjetor 1955.

Në një video-fjalim Guterres thekson se Bullgaria ka një kontribut të konsiderueshëm në punën e organizatës. “Shpresoj tek Bullgaria për ta inkurajuar bashkëpunimin dhe solidaritetin global, të cilat janë kaq të nevojshme tani”, shtoi gjithashtu sekretari i përgjithshëm i OKB-së.

Nëpërmjet profilit të vet në Facebook Kryeministri Bojko Borisov e falënderoi Guterres për përshëndetjen dhe deklaroi se “vendi ynë do të vazhdojë të punojë në mënyrë efektive me OKB-në mbi temat e rëndësishme ndërkombëtare, që të jetojmë në një botë paqësore, të qetë dhe harmonike”.