Për momentin ekziston një problem kryesor i lidhur me bullgarët që do të votojnë jashtë. Flitet shumë se ka 2 ose 3 milion bullgarë jashtë vendit. Këto janë shifra të pasakta. Ka më pak se 1 milion votues bullgarë jashtë vendit, tha para BNT shefi i Firmës Shtetërore “Shërbimet e Informacionit”, Prof. Mihaill Konstantinov.

Problemi kryesor i votimit jashtë shtetit është pasiguria e madhe e krijuar nga pandemia në vende të ndryshme. “Nga tani e tutje, ne duhet të mendojmë se çfarë të bëjmë. Seksionet duhet të hapen kudo që ka kërkesa”, shpjegoi Konstantinov. Sipas matematikanit, nëse listat azhurnohen, në fakt votuesit aktualë në vend janë 3.5 milion.