Kryetari i Administratës Rajonale të Odesës Sergej Grineveckij përkrahu idenë për hapjen e një shkolle bullgare në Odesë të Ukrainës në takimin me konsullin tonë të përgjithshëm Svetosllav Ivanov, bëri të ditur Ministria bullgare e Punëve të Jashtme.

Çështja u shtrua nga Ministrja e Punëve të Jashtme dhe Zëvendëskryeministre Ekaterina Zaharieva gjatë vizitës së saj në Ukrainë në fund të vitit të kaluar. Bashkia e Odesës ka propozuar që t’i jepet një prej shkollave në qytet statusin e shkollës, ku mësohet gjuha, kultura, traditat dhe historia bullgare.

Grineveckij dhe Ivanov kanë shqyrtuar gjithashtu festimin e ardhshëm të përvjetorit të 200 të themelimit të Bollgradit, si dhe hapjen e ardhshme të shtëpisë-muze të Hristo Botevit në fshatin Zadunaevka. 

Bashkësia bullgare në Ukrainë është më e madhja ndër gjithsej 133 kombësi, të cilat banojnë në Krahinën e Odesës.