Kufoma e alpinistit bullgar Atanas Skatov /1978-2021/ u gjet nga një helikopter i Ushtrisë Pakistaneze dhe u mor nga Kampi Bazë nën majën K2 në Himalaje në qytetin më të afërt në Pakistanin Verior.

Alpinisti bullgar Atanas Skatov ra përderisa po zbriste nga Kampi 3 në Kampin Bazë pas një sulmi të pasuksesshëm të natës të majës së dytë më të lartë K2 (8611 m). Kjo u njoftua në Twitter nga kompania e specializuar e ekspeditave në lartësi të mëdha Alpine Adventure Guides.

Agjencia Nepalese – organizatore e ekspeditës tha për BNR se ata supozojnë se bullgari u shkëput nga litari dhe ra përderisa zbriste nga Kampi 3 në Kampin Bazë. Agjencia mohoi informacionin e mëparshëm se arsyeja e rënies së Skatovit ishte një litar i thyer.

Më 4 shkurt bullgari dhe 20 persona të tjerë u ngjitën në Kampin 3, i cili është në lartësi rreth 7300 metra. Nga atje, sulmi do të fillonte nata e 4 duke u gdhirë 5 shkurt. Herët këtë mëngjes, megjithatë, kompania nepaleze - organizator i ekspeditës njoftoi se ngjitja u ndalua dhe pjesëmarrësit filluan të zbresin në Kampin Bazë.

Ministria Bullgare e Punëve të Jashtme është në kontakt me të afërmit e Atanas Skatovit dhe ndihmon me sa është e domosdoshme. “Ne bëjmë homazhe para forcës së shpirtit të alpinistit tonë - vepra dhe vullneti i tij i pamëshirshëm për të ngjitur majat nuk do të harrohen kurrë!”, theksohet në një deklaratë të Ministrisë së Punëve të Jashtme për mediat.

Me profesion Atanas Skatov është agronom në mbrojtjen e bimëve. Në më pak se 7 vjet ai ngjiti 10 + 1 maja me lartësi prej mbi 8000 metra (Everest dy herë në rrugë të ndryshme) dhe u bë bullgari i parë që ngjiti shtatë kampionët kontinental (Shtatë Samitet). Të gjitha këto ai i arriti në një dietë me bazë bimore, pa pasur përvojë profesionale në alpinizëm dhe pa ushtruar sporte deri në vitin 2012.