Më 10 shkurt Kisha Ortodokse Bullgare respekton dëshmorin e shenjtë të besimit Harallambi Çudibërësi nga Magnezija. Sipas besimeve popullore Shën Harallambi është sundimtar i sëmundjeve, kryesisht i murtajës.
Festa mbetet në traditën bullgare si një nga kremtet e fundit dimërore. Që nga ajo ditë njerëzit fillojnë të punojnë tokën, pasi dimri mbaron ditën e Shën Thanasit më 18 janar.
Shën Harallambi ishte një njeri shumë i drejtë dhe tregoi shenjtërinë e tij përderisa ishte ende gjallë, duke përhapur fjalën e Zotit. Ai u bë peshkop dhe kishte një ndikim të madh te njerëzit. Për këtë arsye perandori mizor romak Septimij Sever e torturoi për gati 13 vjet, vetëm për të hequr dorë nga Krishti. Ai qëndroi i palëkundur dhe i patundur, dhe besimi i tij shëroi të gjitha plagët, dhe çdo mëngjes ai agonte i paprekur. Konsiderohet se ai e mjekonte plagët me mjaltë dhe prandaj Shën Harallambi respektohet edhe si mbrojtës i mjaltit dhe i bletarëve.
Në këtë ditë, njerëzit sjellin mjaltë në tempuj, i cili bekohet dhe mbahet gjatë gjithë vitit si një kurë për fruthin, skuqjet dhe sëmundjet e tjera. Për festën, gatuhen pogaçe që lyhen me mjaltë dhe shpërndahen për shëndetin.
Bletarët bullgarë e respektojnë ditën si festa e tyre profesionale dimërore.
Në besimet popullore, Shën Gjergji është vëllai binjak më i vogël i Shën Dhimitrit. Etnografët i përshkruajnë ata si imazhe të kristianizuara të heronjve mitikë. Të fortë, të shkathët dhe të shpejtë, ata janë fitimtarë, duke kërcyer mbi male dhe dete,..
Bullgaria shënon 149 vjetorin e Kryengritjes së Prillit – një ngjarje që çoi në çlirimin e Bullgarisë pas pothuajse pesë shekujsh sundimi osman. Sot, gati një shekull e gjysmë më vonë, nuk duhet të harrojmë se çdo pjesëmarrës në Kryengritjen e..
Tetë mijë vjet më parë, në zonën e fshatit të sotëm bullgar Dollnosllav, lindi një nga kulturat më misterioze në Ballkan. Në rajonin e qytetit Asenovgrad të shtrirë midis fushës dhe malit, arkeologët zbuluan tuma vendbanimesh me gjurmë të jetës..
Mot i kthjellët