Dhuna ndaj fëmijëve dhe politikat e parandalimit u diskutuan në Sofje nga Nënpresidentja Ilijana Jotova dhe Përfaqësuesja e UNICEF në Bullgari Dr. Jane Muita. Dhuna në shkollë vazhdon të jetë një nga problemet kryesore me të cilat përballen fëmijët dhe prindërit, sipas sondazhit të parë përfaqësues kombëtar të kryer nga UNICEF mbi të gjitha format e dhunës ndaj fëmijëve. Sipas Fondit të Fëmijëve të OKB, çdo fëmijë i dytë ka përjetuar një formë të dhunës deri në moshën 18 vjeç, dhe dhuna më e zakonshme është ajo emocionale. Në thelbin e parandalimit të problemit është informacioni i mirë dhe të dhënat e besueshme mbi baza e të cilëve duhet të formohen politikat, tha përfaqësuesi i UNICEF.

Jotova dhe Muita diskutuan gjithashtu pasojat e pandemisë dhe masave kufizuese mbi shëndetin mendor të fëmijëve dhe të rinjve - një temë mbi të cilën Nënpresidentja po punon në mënyrë aktive. Ndër temat e shqyrtuara ishte edhe numri në rritje të refugjatëve dhe migrantëve që nga fillimi i vitit, duke përfshirë fëmijë të pashoqëruar, njoftuan nga zyra e shtypit e presidencës.