Ministri i përkohshëm i arsimit Nikollaj Denkov njoftoi si prioritet bazë të Ministrisë përfundimin me sukses të vitit shkollor, provimet e maturës shtetërore, vlerësimin e jashtëm kombëtar të nxënësve dhe pranimin e tyre në shkollat pas mbarimit të arsimit shtatë vjeçar.

Prioriteti i dytë është përgatitja e vitit të ri shkollor pas analizës së rezultateve të mësimit në distancë. "Mbi këtë bazë, ne do të propozojmë një paketë masash që do të zbatohen nga ekipi tjetër në Ministri," shpjegoi Denkov.

Si prioritete 3 dhe 4, Ministri renditi plotësimin e hartës së arsimit të lartë në Bullgari dhe pasqyrën e aktiviteteve të përcaktuara në Planin për Rimëkëmbjen dhe Qëndrueshmërinë në arsim dhe në studimet shkencore.