Makinat për të votuar jashtë janë në dispozicion dhe dërgimi i 421 prej tyre tashmë filloi. Këtë e tha për bTV Cvetozar Tomov zëdhënës i Komisionit Qendror Zgjedhor. “Gjërat do të jenë të tensionuara deri në momentin e fundit. Ne jemi duke aplikuar një teknologji të re, kjo nuk ka sesi të mos krijojë tension. Votimi jashtë ka një dyfishim”, tha Tomov.

Ai përcaktoi si një hipotezë të pakonfirmuar që pjesëmarrja e ulët në zgjedhjet për kryetar bashkie në Bllagoevgrad ishte për shkak të votimit me makineri. Zgjedhjet e parakohshme për kryetar bashkie në këtë qytet u imponuan pasi gjykata vendosi largimin e inxhinierit Rumen Tomov fitues në zgjedhjet lokale në tetor të vitit 2019 për shkak regjistrimit të pashlyer të një tregtari të vetëm. Zëdhënësi sqaroi se kur ndihmojnë votuesit, anëtarët e komisionit të seksionit mund të qëndrojnë dy metra para tyre pa pasur shikueshmëri në ekran dhe pa bërë pyetje në lidhje me informacionin e votimit.