Gjatë javëve të fundit turistët nëpër bregdetin tonë verior të Detit të Zi u bënë dëshmitarë të një dukurie të pazakonshme - një sulm në masë i nusepashkave. Sipas biologëve ekspertë, nusepashka me shtatë pikë, e cila ka nga tre pikë mbi çdo krahë dhe një pas kokës, është nga insektet e mira. Ajo është shumë e dobishme, sepse ha nga 200-300 afide në ditë:
“Nusepashka është një armik natyror i afideve, të cilat sivjet ndodhen në kalamitet (një shtim i pazakonshëm i popullimit) - vuri në dukje në një intervistë për Radion Kombëtare Bullgare – Varna doktoresha Antoaneta Tonçeva, drejtoreshë e ndërmarrjes bashkiake “Dezinfektim, dezinsektim, dhe deratizim”. Shkaku për këtë është kompleks. Një shtim në numër vihet re dhe tek lloje të tjera në periudha të ndryshme. Mbipopullimi i fundit i tillë i afideve ishte 20-25 vjet më parë. Atëherë po kështu kishte re të tëra prej nusepashkave, të cilat janë armiku i tyre natyral dhe një luftëtar i shpejt”.
Në kundërshtim të pohimeve se nusepashkat janë aziatike dhe kafshojnë, doktoresha Antoaneta Tonçeva vuri në dukje: “Ato janë krejtësisht bullgare, ne kemi nja 7-8 lloje”. Kurse sa i përket mundësisë nga një kafshim ajo ishte kategorike se “vetëm nëse ndihen të frikësuara, mundet që ato shumë lehtë të cimbisin, por ne nuk jemi në shënjestrën e tyre”. Në këtë rast bëhet fjalë për një luftë të natyrshme me dëmtuesit, gjatë së cilës sistemi ekologjik mundohet vet të mund të përballojë problemin. Gjatë përdorimit të kimikateve për mbrojtje bimore, përveç dëmtuesve ngordhin dhe insektet e dobishme. Janë bërë madje dhe ksperimente me nusepashka me shtatë pikë për të përballuar afidet të cilat shumë shpesh i sulmojnë të mbjellat.
Sa u përket mizave të vogla me ngjyrosjen e grerëzave, të cilat po kështu i frikësojnë pushuesit, ato po kështu nuk janë të rrezikshme.
Ekspertët i këshillojnë njerëzit të mos t’i trazojnë nusepashkat, sepse ato lëshojnë një lëndë e cila është toksike për insektet e tjera, kurse për disa njerëz mund të sjellë alergji.
Lagështia dhe shirat krijuan kushte të favorshme për zhvillimin e rriqrave dhe të mushkonjave, të cilët nganjëherë të hidhërojnë pushimet. Por, turistët duhet të jenë të qetë, sepse terrenet me barë, sheshet e fëmijëve për të lozur dhe parqet rregullisht punohen dhe spërkaten kundra insekteve gjakatare. Në mbrëmje, kur nuk ka vizitorë, gështenjat spërkaten kundër tenjave.
Përpiloi: Darina Grigorova /në bazë të intervistës së Daniella Stojnovës/
Përgatiti në shqip: Nataniela Vasileva
Foto: arkiv
Ashtu si një jetë njerëzore 90-vjeçare, fati i kishës metropolitane “Shën Apostuj Pjetër dhe Pali” është i mbushur me ulje-ngritje, me mundime, por edhe me shpëtim. Kjo është ndoshta një nga kishat më pak të njohura në Sofje dhe në të njëjtën kohë e..
Ornitologët dhe dashamirësit e shpendëve festojnë sot Ditën Kombëtare të Shqiponjës. Me këtë rast përfaqësues të Shoqatës Bullgare për Mbrojtjen e Shpendëve prezantojnë para publikut të gjerë fakte interesante për jetën e llojeve të ndryshme të..
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të..
Traditat frankofone në Bullgari kanë një histori të pasur që daton që nga epoka e Rilindjes Kombëtare Bullgare. Edhe atëherë, kultura dhe gjuha franceze..
Ditën e djeshme filloi Shkolla Verore e Gjuhës Bullgare e cila do të zhvillohet në auditoret e Fakultetit të Gjuhëve të Huaja të Universitetit të..