Më shumë fonde janë të nevojshme për zhvillimin e arkeologjisë bullgare. Shkencëtarët bullgarë meritojnë më shumë mbështetje nga shteti. Këtë apel e bëri Nënpresidentja Ilijana Jotova në përshëndetjen e saj me rastin e 100 vjetorit të hapjes së Institutit Arkeologjik Bullgar, pasardhësi i të cilit është Instituti Arkeologjik Kombëtar me muze pranë Akademisë Bullgare të Shkencave.

Nënpresidentja theksoi se çdo metër katror i Bullgarisë tregon për kohë të largëta dhe madje në vendet e zbuluara ka akoma për t'u zbuluar. Jotova i dhuroi institucionit shenjën e nderit "Shenjtorët Kirill dhe Metodij” për kontributin e tij të jashtëzakonshëm në shkencën bullgare dhe për ruajtjen dhe promovimin e trashëgimisë kulturore bullgare.