Përfaqësuesit e mjekëve protestues nga Spitali i Urgjencës “Pirogov” u takuan me Ministrin e Shëndetësisë, Dr. Stojço Kacarov, duke u përpjekur për të gjetur një mënyrë për të dalë nga tensioni për shkak të shkarkimit të profesorit Asen Balltov nga posti i drejtorit të spitalit.

Pas takimit nuk u bë e qartë nëse protestat e mjekëve nga spitali i akuzuar për vjedhjen e 1 milion levash (500 000 euro) nga Fondi i Sigurimeve Shëndetësore përmes trajtimit fiktiv të pacientëve, do të ndalen, bëri të ditur reporterja Taja Millusheva. Kryetari i Bashkimit Mjekësor Bullgar, Ivan Maxharov, tha se rezultatet e inspektimit të arkës së spitalit, që çoi në heqjen e Prof. Balltov, do të shqyrtohen nga autoritetet kompetente. Të dyja palët shprehën besim në profesionalizmin e mjekëve nga "Pirogov" dhe u bashkuan rreth nevojës për reforma në shëndetësi.