Kryeministri në detyrë Stefan Janev u bëri thirrje deputetëve ta votojnë azhurnimin e buxhetit, për shkak të nevojës për të përballuar sfidat e valës së re të Covid -it dhe për të shmangur tensionet shoqërore në vjeshtë. "Në jetën politike bullgare ne po shohim një situatë të vështirë për t'u parashikuar, një situatë të komplikuar madje për ekspertët. E gjithë kjo çon në paqëndrueshmëri dhe paparashikueshmëri në mjedisin politik, " shtoi Janev.

Eksperti financiar nga partia "Ka një popull të tillë"(ITN) Pllamen Danaillov, i cili u propozua për Ministër të Financave, tha para BNR-së se formimi i komisioneve përkatëse parlamentare është vonuar, gjë që bllokon veprimtarinë legjislative të Kuvendit Popullor, përfshirë këtu dhe azhurnimin e buxhetit.