Në javët e fundit të gushtit dhe në fillim të shtatorit, ushqimet bazë, mallrat dhe shërbimet jo ushqimore u shtrenjtuan, tregojnë rezultatet e një sondazhi të Konfederatës së Sindikatave të Pavarura në Bullgari. Ai u realizua midis datave 26 gusht - 1 shtator dhe mbulon një total prej 32 mallrash dhe shërbimesh. Në vetëm një vit, çmimi i vajit u rrit me 43 për qind, ndërsa i kastravecëve - gati 36 për qind. Rritja është gjithashtu serioze për mallrat e tjera thelbësore. Për shembull, çmimi i bukës po tejkalon me shpejtësi rritjen e niveleve të përgjithshme të çmimeve. Rritja drastike e çmimit të naftës dhe gazit natyror në tregjet ndërkombëtare do të rrisë çmimin e ngrohjes dhe energjisë elektrike në Bullgari në fillim të vitit 2022. Kështu, buxheti i familjes do të përqendrohet kryesisht në ushqim, rrymës elektrike, ngrohje, në kurriz të kujdesit shëndetësor, arsimit, etj..