Riparimi i planifikuar vjetor i bllokut të VI të Centralit Atomik Elektrik “Kozlloduj” përfundoi pesë ditë përpara afatit. Më datë 1 nëntor, ai u përfshi në sistemin energjetik të vendit, pas një inspektimi dhe miratimi të dhënë nga Agjencia e Rregullimit Bërthamor.

Blloku u ndërpre më 29 shtator. Në 31 ditë, 1000 megavat dolën nga tregu i energjisë elektrike. Pezullimi rriti më tej çmimet në tregun bullgar.

U krye mirëmbajtja e pajisjeve dhe reaktori u mbush me karburant të freskët bërthamor. U realizuan të gjitha aktivitetet e planifikuara në lidhje me rritjen e sigurisë dhe sigurimin e funksionimit afatgjatë të njësisë. Blloku i 5-të i centralit po funksionon gjithashtu me kapacitet të plotë, tha drejtori i centralit Nasko Mihov.