Tri projekte të “Bulgartransgaz” janë në listën e projekteve me interes të përbashkët të BE-së. Projekti i parë është zgjerimi i depos së gazit Çiren, i cili parashikon pothuajse dyfishimin e kapacitetit depozitues të karburantit blu dhe rritjen e mundësive për injektimin e gazit, gjë që do të stimulojë hyrjen e pjesëmarrësve të rinj në treg. Fonde shtesë nga Evropa priten edhe për lidhjen e gazit me Serbinë, për të cilën tashmë është siguruar bashkëfinancimi prej 28 milionë euro. Projekti i tretë është zgjerimi i sistemit tonë të transportimit. Ai përfshin modernizimin e stacioneve të kompresorëve, ndërtimin e tubacioneve të reja të gazit dhe rehabilitimin e të vjetrave.

Bulgartransgaz thekson se përfshirja e këtyre projekteve në listën e BE-së tregon rolin strategjik të sistemit bullgar të transportimit të gazit për sigurinë e furnizimit dhe për integrimin e tregjeve të gazit në rajon.