Më 1 dhjetor 2021, në ndërtesën e Ambasadës së Republikës së Bullgarisë në Prishtinë, ambasadori Hristo Guxhev nënshkroi marrëveshje për realizimin e projekteve në kuadër të programit për mbështetjen e organizatave të komuniteteve bullgare dhe të qytetarëve me identitet bullgar.

Përfitues të projekteve janë dy shoqëritë që përfaqësojnë komunitetin bullgar në Republikën e Kosovës - “Shoqata kulturore iluministe e bullgarëve në Zhupë, Podgora dhe regjion”, e kryesuar nga Sejfija Osmani, dhe "Bullgarët e bashkuar në Kosovë", e kryesuar nga Rasmin Hamza.

Target grupi i projekteve janë qytetarët, e në veçanti të rinjtë dhe studentët, përfaqësues të komunitetit bullgar në Republikën e Kosovës, dhe rezultatet e pritura janë se zbatimi i projekteve do të kontribuojë në përmirësimin e qëndrueshëm të jetës shoqërore në rajonet me popullsi kompakte bullgare.

Ambasadori Guxhev i përshëndeti mysafirët për fillimin e suksesshëm të projekteve dhe u uroi realizim të shpejtë dhe efikas të mjeteve të dhëna.

Të ftuarit nga ana e tyre falënderuan për ndihmën financiare dhe mbështetjen e shtetit bullgar për vendosjen e etnisë, mënyrës së jetesës dhe kulturës bullgare në mes të popullsisë vendase bullgare në komunat e Prizrenit dhe Dragashit dhe në rajonin e Gorës, Podgorës dhe Zhupës.

Informacioni është i MPJ-së bullgare.