Në seancën e parë të rregullt të Legjislaturës së 47-të të Kuvendit Popullor, koalicioni GERB-SDS kërkoi nga deputetët që të pranojnë që në godinën e parlamentit të hyhet detyrimisht me “certifikatën e gjelbër” për imunizimin ndaj Covid. Nëse propozimi nuk pranohet nga opozita paraqitën një projektligj për heqjen e plotë të “certifikatës së gjelbër” për të gjithë vendin. “Është koha që parlamenti dhe ne si deputetë të tregojmë me shembullin tonë personal se nuk ka standard të dyfishtë”, tha Desisllava Atanasova, kryetare e grupit parlamentar GERB-SDS.

Kostadin Kostadinov, kryetari i partisë më të vogël të përfaqësuar në parlament “Ringjallja”, bëri thirrje për një referendum kombëtar mbi "certifikatën e gjelbër".