Tri partitë e koalicionit “Bullgaria Demokratike” – “Demokratët për Bullgarinë e Fortë”, “Po, Bullgaria” dhe “Lëvizja e Gjelbër” do të mbështesin marrëveshjen e koalicionit dhe projekt qeverinë, u bë e qartë pas mbledhjeve të organeve të tyre drejtuese. Pritet që BSP dhe “Ka një popull të tillë” të vendosin për parametrat e propozuar. Ndërkohë, forcat politike negociuese do të vijojnë të sqarojnë detajet e një marrëveshjeje të ardhshme të koalicionit për formimin e kabinetit. Është ende e paqartë nëse dokumenti do të nënshkruhet bashkërisht apo do të ketë marrëveshje dypalëshe mes partisë fituese “Po e vazhdojmë ndryshimin” (PP) dhe secilit partner të koalicionit.

“Në shkallë të madhe, përbërja e Këshillit të Ministrave është e gatshme me emër dhe duhet ta kemi nënshkruar marrëveshjen deri të hënën”, tha i propozuari për kryeministër nga PP Kirill Petkov, para fillimit të bisedimeve të sotme në Kuvendin Popullor. Në momentin e fundit BSP bëri shtesa që prekin sferën sociale.