Qarri (Quercus cerris) 170 vjeçar në qytetin Provadia mori statusin zyrtar të një peme të mbrojtur. Kjo pemë është afro 170 vjeç, me gjatësi 25 metra dhe me perimetër të trungut 3.77 metra dhe ndodhet në një zonë të pyllëzuar në fshatin Dobrina, sqaroi përpara BNR-Varna Hristina Manollova, zëvendës drejtoreshë e Pylltarisë Shtetërore në qytetin Provadia.

Qarri është një pemë gjetherënëse, që është një lloj lisi nga familja e ahut (Fagaceae). Jetë zgjatja maksimale e tij është deri më 600-700 vjet, që përcaktohet nga përshtatja e tij e lehtë ndaj kushteve të ndryshme klimatike. Deri në këtë moment në Bullgari zyrtarisht të mbrojtura janë 2193 pemë, kurse tendenca gjatë viteve të fundit është për pakësimin e numrit të pemëve të regjistruara shekullore. Që nga fillimi i këtij viti  një status mbrojtës  kanë fituar përgjithësisht 8 pemë shekullore. Por, statistika tregon se gjatë vitit 2020 institucionet nuk kanë shpallur asnjë pemë për të mbrojtur, kurse gjatë vitit 2019 me një status të tillë janë pajisur 9 pemë shekullore tek ne.

Përpiloi: Vesella Krësteva

Përgatiti në shqip: Nataniela Vasileva