Nëse aktualisht po ndjeni të ftohtin e dimrit dhe po ëndërroni për verën e përsosur të 2022-ës, Bullgaria duhet të jetë në krye të listës suaj të destinacioneve turistike. Këtë e shënon Euronews në një publikim të vet. Në bregun e Detit të Zi, i cili shtrihet përgjatë gjithë kufirit lindor prej 378 kilometrash të vendit, ka shumë mundësi për një pushim ideal në plazh për të gjithë, vë në dukje Euronews.

Nëse doni një party të paharrueshme - zgjidhni Sllënçev Brjag, nëse doni një takim me historinë - shkoni në Nesebër, nëse doni romancë - vendi i përshtatshëm është Ballçik, ndërsa Silistar është plazhi për kampistët, i këshillon turistët potencialë media në materialin e saj kushtuar plazheve të vendit tonë, përgatitur në partneritet me Ministrinë Bullgare të Turizmit.